“Los políticos tán tol día falando del retu demográficu, pero nun nos puen nin garantizar la educación de los nuesos fíos” declara la ma d’un de los menores afectaos

La socontratación del serviciu d’acompañantes nel tresporte escolar lleva a que la empresa axudicataria tenga man llibre pa imponer les sos condiciones llaborales, que si yá yeren precaries apioren esti añu colos cambeos introducíos pola empresa. Ello llevó al abandonu del puestu de les acompañantes de  les rutes que cubren los trayectos ente Fuentes y La Puela Ayande y ente Tinéu hasta La Puela Ayande.

Un total de 26 escolinos de 19 families tán viéndose afectaes, una y bones la falta da acompañantes imposibilita’l serviciu de tresporte escolar, dexando ensin escolarización a tolos usuarios del mesmu. La culpa, dicen los sindicatos, ye de la mesma Conseyería de Educacion por llicitar a baxu costu contratos con empreses basándose nel únicu criteriu del so economicidá, coles consiguientes consecuencies pa trabayadores y usuarios. 

Les families, pela so parte, nun entienden como’l Principado pretende que se queden a vivir en zones rurales cuando nin siquier garantícen el derechu a la educación. 

Nel Dos Santos

This work is licensed under a Creative Commons Attribution 4.0 International License.