Renfe nun habilitó tresporte alternativu pa los pasaxeros, sinón que se yos encamentó esperar al viniente tren, col consiguiente retrasu y falta d’espaciu

Los viaxeros qu’ayeri quisieron viaxar na llinia Xixón-Uviéu-L.lena, na llinia Avilés-Xixón, Xixón-Uviéu, Uviéu-Siero o Uviéu Nava topáronse con una desagradable sospresa: bona parte de los horarios taben cancelaos y nos otros los viaxeros tuvieron de dir estrapaos, col doble d’usuarios de lo avezao, al xuntase los pasaxeros de dos o fasta tres trenes nun solu. 

30 frecuencies de cercaníes foron les afeutaes, suprimiéndose dellos servicios, por falta de trenes, un problema cuando menos previsible. Los percorrios afeutaos conectaben cola capital o con Xixón, polo que la mayoría de los afectaos yeren estudiantes universitarios y pasaxeros que trataben d’acceder a los sos trabayos.

Alberto Rodríguez

This work is licensed under a Creative Commons Attribution 4.0 International License.