Andecha Astur cellebra esti 12 d’Ochobre un duple actu de memoria y homenaxe a los revolucionarios d’Ochobre del 34 nel ya tradicional actu de reconocimientu al Presidente del Comité Revolucionariu d’Ochobre, y del Conseyu Soberanu, Belarmino Tomás, y a los Mártires de Carbayín, símbolu de la represión de la República Española contra la revolución asturiana
Esti actu de comemoración de la Revolución d’Ochobre’l 34 cellébrase añalmente na fecha del 12 d’Ochobre, metanes el periodu revolucionariu y coincidiendo cola Fiesta la Hispanidá, col envís de contraponer al patrioterismu colonialista español el deseyu de soberanía del Pueblu Asturianu.
La primer cita sedrá a les 12:30 hores nel cimenteriu Carbayín, en Siero, onde tan enterraos los 24 homes que fueron asesinaos depués de la ofensiva que los trabayaores de la cuenca del Nalón llevaron a cabu nos primeros díes de la revolución. La segunda, a les 13:30 hores nel cimenteru Pandu, en Llangréu, onde se fadrá un actu de reconocimientu y homenaxe al presidente del Conseyu Soberanu Belarmino Tomás, que tien la so tumba y una placa commemorativa nesi llugar.
Belarmino foi ún de los principales protagonistes de la revolución d’Ochobre del 34, siendo presidente tamién del Comité Revolucionariu d’Ochobre, y actuando comu interllocutor nes difíciles negociaciones col exércitu de la República Española, cola qu’alcordó una rendición pautada ensin represalies, que llueu los españoles traicionaríen, protagonizando una represión sangrina y xabaz de la que foron víctimes, pente otros munchos asturianos, los Mártires de Carbayín.
Dende Andecha Astur ven naquellos fechos hestóricos y na República Obrera y Campesina d’Asturies un referente a siguir, representando nellos el Pueblu Asturianu enteru, que col so valor enfrentose al exércitu de la República Española.
SÁBADU 12 D’OCHOBRE
12:30 Homenaxe a los Martires de Carbayín.
Cimenteriu San Xuan. Carbayín – Siero
13:30 Homenaxe a Belarmino Tomás.
Cimenteriu Pando – Llangréu
Nel Dos Santos
This work is licensed under a Creative Commons Attribution 4.0 International License.
