La empresa niega la reincorporación a un trabayador tres d’una excedencia alcordada previamente con recursos humanos
Más d’un cientu de trabayadores de ArcelorMittal concentráronse güei a la una del mediudíi pa reclamar la reincorporación del compañeru de la llínea de lata 3, quien en pidiendo una excedencia de 2 años, alcordada y consensuada colos recursos humanos de la empresa y según axusta’l Conveniu y l’Estatutu de los trabayadores, reclama la reincorporación en tiempu y forma, y recibe la negativa de la empresa, quién plantega abiertamente’l despidu, y argumenta que “l’actual política de la empresa énte esti tipu de excedencies ye’l despidu, que nun tien problema en pagar”.
Dende la sección sindical de CSI n’ArcelorMittal consideren qu’esta actitú por parte de la empresa ye una vulneración a los derechos básicos de los trabayadores, recoyíos nel Conveniu y nel Estatutu de les y los trabayadores y conderguen “la desdexación de funciones y pasotismo del restu de sindicatos que conformen el Comité y qu’abandonen a la so propia afiliación”.
Nel Dos Santos
This work is licensed under a Creative Commons Attribution 4.0 International License.
