La cartelería de la campaña non solo ye disglósica sinón qu’inclui una grave falta d’ortografía

Nun vamos a entrar ya na inorancia de la toponimia oficial de la ciudá, Uviéu, na incomprensible disglosia de tratar de meter (y enriba facelo mal) una única pallabra n’asturianu en tol cartelu, nin en cuestiones estétiques discutibles.

Pero el plural de los masculinos n’asturianu remata coles lletres “os”, entantu que’l femenín faese con “es”. De primeru de llingua. 

Poro, de camín, caminos, de pasín, pasinos, de besín, besinos y por supuestu, de culín, culinos. Utilizando el, por desgracia mui espardíu, vulgarismu “culines”, la ciudá d’Uviéu contribui a l’aculturización de propios ya estraños, afitando una pallabra importada de foriatos que desconocen l’idioma y tracamundien femenín y masculín, creyendo que falen asturianu por rematar tou n’es. 

Llucía F. Marqués

This work is licensed under a Creative Commons Attribution 4.0 International License.