El Ministeriu de Tresportes aprobó amontar les deducciones vixentes a los usuarios d’avezu que faigan, con vehículos llexeros, más de trés percorríos completos al mes, concediendo bonificaciones del 15% nel primer trayectu, del 30% nel segundu trayectu y del 60% a partir del terceru.

Pa un futuru cercanu, el Ministeriu ta trabayando n’amontar les bonificaciones a los vehículos pesaos hasta’l 60% dende’l 40% actual, coles mires de “incentivar l’usu de les víes de gran capacidá en llugar de les carreteres convencionales y ameyorar la seguridá vial nos tramos más sensibles”, reconociendo coles sos palabres el fechu de que’l peaxe lleva a munchos tresportistes a optar per carreteres menos segures para evitar el pagu. Les consecuencies nun son namás esi mayor riesgu d’accidentes, les cargues económiques del Güerna encarecen los tresportes, afalando a abondes empreses a desllocalizar pal otru lláu del Negrón, tratando d’esquivar esti coste añadíu. Remembremos que’l ferrocarril tampocu ye una bona opción, una bones nun hai vagones disponibles pa facer los tresportes. 

Les deducciones anunciaes son un indicador de que nin el gobiernu estatal nin el Principáu tienen pensáu dar nin un pasu más para, siquier mientres el 2025, pa esaniciar el peaxe d’esta autopista, que sigue presllando’l pasu de los asturianos a La Meseta.

Nel Dos Santos