Entantu enllenen titulares con promeses de futuros planes de vivienda, el del 2023/2024 ta entá ensin tramitar
El Principáu va recibir 6,6 millones pa’l bonu d’arriendu pa la mocedá, una llínea de sovenciones, de financiamientu estatal y xestión que correspuende a cada territoriu, cuya concesión remontase a 2022. El plazu pa la presentación de solicitúes expiró el pasáu 31 d’avientu de 2023, ensin que dende entós se volviera a convocar esti programa d’ayudes tresañal.
Esta ayuda consiste’n 250 euros al mes, mientres un plazu de 2 años, pa ca mozu o moza -d’ente 18 y 35 años-, con oxetu de facilitar la so emancipación dándo-yos accesu a una vivienda o habitación en réxime d’arriendu.
Sicasí, a día de güei, un altu porcentaxe de les solicitúes presentaes va cuasi un añu nun fueron valoraes, polo qu’estes persones, que lóxicamente solicitaben esta ayuda pa tener onde vivir, tuvieron de pasar -por agora- diez meses apañándose como pueden, añediendo qu’en munchos casos les condiciones nes que se solicitaba l’ayuda camudaríen.
Mentanto, ensin convocatoria pa les próximes solicitúes coles que se van partir esos seis millones y ensin planes pa faer frente a toles ayudes impagadas mientres el 2024, Adrián Barbón y la so cohorte siguen presumiendo de lo bien que lo faen.
Nel Dos Santos
This work is licensed under a Creative Commons Attribution 4.0 International License.
