Los vecinos y la Coordinadora Ecoloxista presentaron decenes d’allegamientos a proyectu de convertir la cantera de la Carba en Bendición nun vertideru de borrafes de la construcción

Lo esperable, como s’esixó nel so momentu, ye que se rellenara la cantera con tierres llimpies, recuperando’l tarrén ya’l paisaxe dañáu pola cantera; sicasí, la propuesta actual implica rellenala con borrafes de la construcción, que se xestionaríen nuna planta con una capacidá de tratamientu de 140,000 tonelaes al añu, cuasi la metá que’l volume añal de borrafes de la construcción que se xeneren al añu  n’Asturies.

Una planta de xestión d’estes borrafes implica, tal como propunxo’l promotor, la instalación de máquines de machaqueo y llabores de peneráu realizaes albentestate, provocando un fuerte impactu acústicu y contaminación per dispersión de polvu qu’afectaría a los núcleos de la redolada.

Tamién esmolez l’afección a agües superficiales del ríu Bayos y les agües soterrañes. 

Alberto Rodríguez

This work is licensed under a Creative Commons Attribution 4.0 International License.