L’Asamblea Popular Mieres en Llucha cola collaboración d’Asturies Insumisa entama un Festival Solidariu commemorativu del 90 Aniversariu d’Ochobre del 34
De magar les siete la tardi del vienres 25 d’Ochobre les Pistes Poliesportives de La Peña, en Mieres, acoyerán un Festival Solidariu nel que los ingresos dirán destinaos a Les 6 de la Suiza y a la solidaridá col Pueblu Palestín, xuniendo asina l’alcordanza de la Revolución d’Ochobre del 34 cola movilización actual.
Los grupos participantes sedrán seyes, con un perinteresante cartel de músicos de dellos oríxenes, consagraos a la música antifacista y contestataria, destacando l’actuación de la italiana Banda Bassoti, siguiendo colos skinheads d’Alcobendes Kaos Urbano, los bercianos de Varillas Punk Rock y los grupos de punk-ska- folk asturianos Skontra, Ochobre y Tygers of Wrath.
Les entraes ya tan a la venta a un preciu de 21 euros, que sedrán 33,61 pa quien quiera facese cola camiseta del noventa aniversariu d’Ochobre del 34.
Susana Sela
,
This work is licensed under a Creative Commons Attribution 4.0 International License.
