EAPN-As (Rede Europea de llucha contra la probitú y la esclusión, Asturies) va celebrar n’Uviéu el so XVIII Simposiu d’Inclusión Social “Emerxencia habitacional, vivienda digno y sociedá inclusivo”
La cita va tener llugar los próximos 24 y 25 d’ochobre n’horariu de mañana na Facultá de Drechu de la Universidá d’Uviéu, y ta abierta a les entidaes del tercer sector, l’alministración pública, miembros de la comunidá académica y públicu polo xeneral.
La inauguración va tar presidida por Elena Rúa Arruñada (Presidenta de EAPN-AS), Marta del Arcu (Conseyera de Drechos Sociales y Bientar), Esteban Agulló Tomás (Director Área Cooperación, Tercer Sector y Responsabilidá Social de la Universidá d’Uviéu) y María Velasco Muñiz (Conceyala Delegada de Polítiques Sociales del Conceyu d’Uviéu).
El Simposiu cuenta con acoyer a más d’un centenar de persones, que van tener la oportunidá d’aldericar sobro distintes cuestiones qu’anguañu traviesen la problemática rellacionada cola vivienda: regulación y accesu al mercáu de vivienda, infravivienda, ensinllarismu…

Dellos convidaos destacaos d’esti Simposio son Andrea Jarabo, responsable d’incidencia de Provivienda, Héctor Simón Moreno, director Cátedra UNESCO d’Habitatge URV y Maite Arrondo, consultora n’innovación en polítiques de vivienda. Amás de les ponencies y meses de diálogu, el Simposiu va acoyer comunicaciones que tantu personal investigador como miembros d’entidaes sociales desenvolvieron en redol a la temática: dificultaes d’accesu a la vivienda y esclusión residencial, vivienda y desigualdá y drechu a la vivienda, polítiques públiques en materia de vivienda y propuestes de futuru.
Estes comunicaciones, como ye vezu, van formar parte de la colección de publicaciones venceyaes al Simposiu d’Inclusión Social, que pueden atopase tantu de forma física como na Biblioteca Social de EAPN-AS.
El programa completu yá pue consultase na web www.simposiosocial.com. Les inscripciones permanecen abiertes na mesma web, con descuentos pa estudiantes.

Alberto Rodríguez

This work is licensed under a Creative Commons Attribution 4.0 International License.