El dúu entamáu por Maxi Areñes -conocíu pol so prolíficu trabayu en Fontoria- y Maxi Areñes presentó ya los en youtube los tres primeros singles del discu que saldrá n’avientu

Nuramay surdió metanes les grabaciones del prósimu trabayu de Fontoria, como una idega más cenciella y tranquila de música que Maxi define comu “Folk intimista, ensin demasiaes pretensiones, una muyer que canta y un paisanu que l’acompaña con instrumentos variaos”.  Nesti primer álbum del dúu, Cantares de tierra y mar, alcontramos cancios y romances d’estremaes xeografíes -sefardies, catalanes, asturianos…- y tamién dalgún tema propiu. Los autores destaquen la importancia de les lletres nesti discu, qu’inclui una d’Ángel Ruiz y Pablo, conocíu escritor menorquín y bisgüelu de Maitetxu. 

 Ya ta disponible’n youtube una amuesa de lo que va ser esti album: la serondiega “Xuxurien les fueyes” , el tema sefardí “La Galana y la Mar” y “Patria” , qu’afala a esconsoñar a una Asturies que paez adurmía.

El dúu yá tien dalgún conciertu apalabráu n’Uviéu pa enantes de que fine l’añu.

Llucía F. Marqués

This work is licensed under a Creative Commons Attribution 4.0 International License.