La mesma llei demuestra nel so llargu partu fasta que puntu ye necesaria, pero nun se tramitará, polo menos, fasta febreru del 2025
La norma autonómica, anunciada hai cuasi trés años, que tien como oxetivu entainar los plazos burocráticos pa los proyectos estratéxicos y les grandes inversiones, vien d’anunciar un nuevu retrasu, que la emplaza a lo menos al primer trimestre de 2025, si na vuelve allargar la so tramitación.
65 enmiendes por calificar son les que ralenticen agora la llei contra la ralentización, una calificación que al paecer va tardar ente cuatro y seis meses. El mayor retrasu tuvo llugar ente’l 6 de xunu de 2022, cuando la Conseyería d’Industria saca a audiencia pública l’anteproyectu de la llei de Proyectos Estratéxicos d’Asturies y l’aprobación del proyectu de llei per parte del Conseyu de Gobiernu. Ello ye que la llexislatura remató ensin que s’anunciare siquier la tramitación parllamentaria, que tuvo d’esperar a mayu del 2024 , entamándose cuasi darréu la so tramitación parllamentaria, pa la que nun hai comparecencies hasta setiembre, recibiéndose dende entós les 65 enmiendes a estudiar.
Los trámites pa l’aprobación definitiva de la llei de Proyectos Estratéxicos, practicamente asegurada cuidao que el PP yá anunció’l so votu a favor, tendrá d’esperar al siguiente periodu de sesiones, de magar febreru de 2025.
Nel Dos Santos
This work is licensed under a Creative Commons Attribution 4.0 International License.
