Mieres cellebró la solidaridá revolucionaria con un conciertu pa remembrar, con un cartel de peraltu nivel ya un públicu entregáu que nun baxó el ritmu demientres l’actuación de les cuatro bandes

Los italianos de la Banda Bassoti foron cabeza de cartel nesti impresionante conciertu, nel que tamién tocaron Kaos Urbano, Skontra, Ochobre, Tygers of Wrath y Varillas. Los asistentes destaquen l’escelente ambiente, la bona organización por parte del coleutivu Mieres en Llucha y la importancia de les causes que se defendíen nesti eventu. 

Per un lláu, el fechu que daba nome al conciertu, el noventa aniversariu de la revolución protagonizada polos asturianos que queríen vivir nuna Asturies llibre y dieron too por ello; pel otru, la resistencia asturiana actual, representada nel movimientu de defensa a Les 6 de La Suiza, les sindicalistes condergaes por defender los drechos de la clas trabayadora; y finalmente, el sofitu internacionalista al Pueblu Palestín ante la masacre que tan careciendo per parte d’Israel, cola connivencia ya’l silenciu compliz de la prautica totalidá de los estaos. La recaldación partirase a partes iguales pente estes dos causes, diendo una parte a collaborar en sufragar los gastos derivaos de la defensa y les necesidaes de Les 6 de La Suiza y la otra a proyeutos de reconstrucción na franxa de Gaza.

Nel Dos Santos

This work is licensed under a Creative Commons Attribution 4.0 International License.