En total, 520.775.5 € de la partida presupuestaria pa beques comedor en Xixón quedó ensin executar, mentantu 192 rapacinos que cumplen los requisitos vense privaos d’esi serviciu que yos garantiza una bona comida al día
La Rede Europea de Llucha contra la Probitú n’Asturies (EAPN-AS) denuncia que’l conceyu de Xixón ta negando la beca comedor a families que la precisen y que cumplen los requisitos pa elles.
EAPN acusa a la Ca Conceyu xixonesa de dexar a reciella de la ciudá en seria situación de desprotección, de magar la xestión que dende la Conceyalía d’Educación se fexo na convocatoria d’Ayudes nel ámbetu escolar pal cursu 2024/2025. Esta ayuda garantiza que munchos rapacinos tengan polo menos una comida curioso al día y negáyosla déxalos nuna situación de precariedá dafechu, una bones les sos families cumplen los requisitos de vulnerabilidá económica desixibles.
Dende les entidaes sociales xixoneses que formen parte de EAPN-As exponen que’l fechu de
que 192 neñes y neños seyan escluyios de les beques de comedor vulnera l’ interés superior de la persona menor d’edá, asina como los drechos fundamentales a la educación y a la alimentación.
Poro, soliciten a la Conceyalía d’Educación del conceyu Xixón que solucionen esa situación darréu, una bones el 16% del gastu presupuestáu quedó ensin executar pa esti cursu escolar.
Nel Dos Santos
This work is licensed under a Creative Commons Attribution 4.0 International License.
