Esti conceutu retributivu, afitáu nun Real Decretu y reconocíu pol Tribunal Supremu, nun se ta aplicando a los interinos residentes d’enfermería n’Asturies

Dos xulgaos distintos reconocieron a dos residentes d’enfermería’l so drechu a cobrar les pagues extras que’l Serviciu de Salú del Principáu d’Asturies (Sespa) nun yos abonó mientres el so periodu formativu como residentes. Nun son los únicos afectaos, pero son los primeros en recibir la reconocencia xudicial del so drechu.

Dambos xulgaos dictaminaron que la paga extra del Enfermeru Internu Residente (EIR) tien de contener, siquier, los conceutos retributivos que marca’l Real Decretu pol que se regula la relación llaboral especial de residencia pa la formación d’especialistes en Ciencies de la Salú. “A pesar de qu’a mediaos del pasáu mes d’abril aprobóse en mesa xeneral el cambéu de la paga extra de los residentes, esta sigue ensin faese efectiva polo que dende Satse-Asturies prosiguióse coles reclamaciones per vía xudicial”, esplicar na páxina web de Satse, sindicatu d’enfermería.

Alberto Rodríguez

This work is licensed under a Creative Commons Attribution 4.0 International License.