El SOMA vien de plantegar la formación d’un taller d’entibadores, non pa xenerar emplegu, porque la mina ya nun lu da, sinón pa “preservar técniques tradicionales en desapaición“, daqué que dende Andecha Astur consideren una tomadura pelo, siendo el SOMA un de los implicaos precisamente nesta desapaición.
Esta propuesta, dicen, ye reíse de nos, depués de presllar les mines y repartir los fondos mineros pente Madrid y les direiciones sindicales, dexando un ermu económicu nes cuenques mineres.
“La ‘Cultura Minera’ de la Mafia del SOMA-UGT ye la del clientelismu, la xequera sindical, los chiringos, el tener repartío ente Madrid y les direiciones sindicales los Fondos Mineros… Y l’esfarrapamientu socio-económicu de les cuenques. Tovía-yos abulta poco lo que robaron” denuncia en redes la formación nacionaliega, que foi la primera en denunciar el desfalcu de los Fondos Mineros, llevando el casu ante la OLAF, l’ente contra’l fraude de la Xunión Europea.
Nel Dos Santos
This work is licensed under a Creative Commons Attribution 4.0 International License.
