Mientres el Principáu anuncia la so regulación pa instalase en zones industriales y alloñao de les rurales, sigui tramitando’l so allugamientu nestes, bien averaes a les viviendes.

El nuevu parque con 8 contenedores va allugase al llau de Posada de Rengos sobro unes parceles rustiques con 5.000 m², a menos de 100 metros de les viviendes de la llocalidá

Vien d’asoleyase nel BOPA la tramitación d’un nuevu parque de bateries en Vega de Rengos, a bien poca distancia de les viviendes, onde los sos habitantes van vese afectaos pola fuerte contaminación electromagnético que, acordies les evidencies recoyíes, aumenta’l riesgu de lleucemia n’adultos, cáncanu de mama o celebral.

Amás, los riesgos que suponen esti tipu d’instalaciones en casu de fuga térmica o de quema traen consecuencies irreversibles de suma gravedá pa los colindantes, tantu pal medioambiente como pa la salú humana, polo que dende la Coordinadora Ecoloxista d’Asturies consideren inadmitible la so instalación próxima a núcleos de población, llugares d’interés medioambiental, zones protexíes, etc. Poro, van alegar contra l’allugamientu de esti parque y animen a los vecinos a faelo tambien.

El Principáu reconoz qu’hai na menos que 170 proyectos de parques de bateries presentaos, pero namás informó del allugamientu de 54. 

Los parques de bateríes que pel momentu se propunxeron n’Asturies son d’estremaos tamaños, dende los de 1 contenedor d’almacenamientu, a instalaciones qu’inclúin hasta 100 contenedores. Agora mesmu conocemos namás proyectos pa dellos conceyos asturianos como los de Salas, Salime, Siero (4 parques), Llanera (3), Mieres (4), Cangues, Uviéu (8), Avilés (3), Corvera (2), L.lena, Colunga, Villaviciosa (4), Soto Ribera, Les Regueres, Xixón (6), Candamo (3), Gozón (5), Piloña (3), Grao, Carreño (2), y Cangas. Na so mayoría, alluguense sobro suelu agrícola y munchos d’ellos cercanos a nucleos habitaos. 

Susana Sela

This work is licensed under a Creative Commons Attribution 4.0 International License.