La minera Black Dragon avanza na so mina d’oru anunciando una nueva inversión española, pesi a les protéstes de los vecinos de Tapia que van ver amenorgada la so calidá y medios de vida. Que consigan los permisos depende del Principado, que tien de decidir qué intereses prioriza

Black Dragon Gold, qu’impulsa al traviés de la so filial española, Esploraciones Mineres del Cantábricu (EMC), el proyectu para esplotar una mina d’oru en Salave (Tapia), ignora la oposición de los tapiegos y anuncia na so páxina web qu’incorporó al so plan “inversores sofisticaos y d’altu padremuñu, afitaos n’España” mientres, sigue la tramitación alministrativa del proyectu.

Con esa inversión pretenden acelerar la consecución de permisos pa estrayer 1,5 millones d’onzes d’oru, pendientes de la declaración d’impactu ambiental que tien d’otorgar el Principado

A un nivel llocal, el Conceyu de Tapia de Casariego reculó na so decisión en mayu del 2003 de negase a tramitar cambeos nes normes urbanístiques nel PGOU vixente y que torguen la implantación d’una industria extractiva d’esti tipu y considera agora vidable la solicitú pa camudar l’usu de la tierra en Salave de “d’interés agropecuariu y forestal, con especial protección de calces fluviales” a usu “d’interés mineru”, permitiendo con ello l’actividá minera de Black Dragon Gold. La pelota ta, por tanto, en manos del Gobiernu del Principáu.

Mentanto, los tapiegos denuncien que la mina va estrozar el paisaxe y el mediu ambiente, acabando cola so forma de vida tradicional, al afectar bien negativamente a la pesca, la agroganadería ya’l turismu.