Bonos díes, bona xente.
Alborecemos col cielu nuboso ya con unes temperatures que tan alrodiu de los 11ºC, rexistrándose nel puirtu Payares 2,6ºC.
Güei tendremos intervalos nubosos entemecios ente dellos claros o abancios, cola posibilidá de que caiga dalguna gotera o xarabatín feble ya dispersu, nun sedrá hasta finar el día cuando llegue’l gruesu de les precipitaciones con unes temperatures en descensu moderáu ya cola cota de nieve que va situase pela tarde sobre los 1300m., amás l’aire nordés va soplar cafiante nes hores centrales del día, baxando entovía más la sensación térmica.
Durante’l prósimu riscar tendremos xarabatos de calter moderáu que sedrán de nieve perriba de los 1200m con tendencia a remitir y desaparecer al alborecer. Pel día, nel cielu, vamos tener intervalos nubosos entemecios ente dellos claros cola posibilidá de dálguna gotera dispersa con unes temperatures en descensu ya col aire nordés que seguirá siendo cafiante, sobre too nel llitoral y zones espuestes.
El xueves alboreceremos ente grandes claros o abancios y xelando nes zones más favoretibles d’Asturies, aumentando la nubosidá alta a lu llargu del día.
Vienres y sábadu tendremos nubosidá irregular pero sin precipitaciones.
Que paséis un bon martes collacies ya collacios.
This work is licensed under a Creative Commons Attribution 4.0 International License.
