Llucía F. Marqués

Non, nun ye que vaigamos a cazar paisanos, nin que la izquierda tea podre d’abusones y machistes, nin que tolos homes seyan iguales. Lo que hai ye una permisividá absoluta pa con esos paisanos, que nun se si ellos son pocos o munchos, pero si se que tan en tolos ámbetos y que dañen a munches, non, a munchisimes muyeres

Se que a los paisanos esto suénavos a desaxeración, nun sedrá pa tanto, sois unes esaxeraes, agora ye tou abusu. Sé que la mayoría nun lo faceis a mala fe, creeis sinceramente que nun ye pa tanto, que somos unes esaxeraes. Creo -quiero creer- que los que nun vos paez pa tantu ye porque nun vos faceis una idega de la realidá. Indaga-y un pocu, entrugar a les vueses amigues, les vueses pareyes, les vueses mas, les vueses fies, les vueses güeles y si sois quien a trespasar la muria de vergoña cola que mos deprendieron a callar vais topar con más de lo que querrieis. Poques muyeres salvaron de topar con dalgún paisano -si, ya lo se, nun sois toos- qu’abusó d’elles.

El relatu del caberu casu, esi “asesor d’IU avezáu nes manis feministes” del que nun dan el nome denyuri y que tuvo la “decencia” de dimitir, ye tremendu; y nun ye una, son cuatro les muyeres que cuntaron, por agora, fechos mui asemeyaos. Nun voi repetir los detalles, tan na prensa pa quien lo quiera lleer, pero hai un datu que ye clave nel asuntu “Lo de esti ‘subhumanu’ sábese desde que estudiaba nel campus del Milán. Y d’esto va ya más de dos décades“. Dos décades d’impunidá, permitida porque les muyeres tenemos miéu de que nun mos crean y los paisanos creen que nun ye pa tanto; o porque nun lo imaxinen, nun lo saben, nun lo pescancien.

Poro, de magar la selmana que vien voi ufrivos, pa quien quiera imaxinar, saber, pescanciar, una riestra de relatos reales, de muyeres cercanes, y voi cuntávoslo como me lo cuntaron elles, dende la so perspeutiva, aquella a la que los homes normalmente nun teneis accesu. A vosotros, espero que tomeis la molestia de lleer ya intentar pescanciar, a vosotres, espero que vos sintais reconocíes nel vuesu dolor.

This work is licensed under a Creative Commons Attribution 4.0 International License.