Dende’l 18 hasta’l 23 de payares van cellebrase ‘n Somió delles charres divulgatives abarcando la creación lliteraria, gastronómica y musical, presllando los actos cola actuación de la Orquesta Céltica d’Asturies

En 12 años de singladura musical, dende’l so primer conciertu nel 2012, La Céltica compartió más de 300 pieces distintes, en vivu, munches d’elles nunca anantes interpretaes na escena musical asturiana. Anque en 2022 se-yos concedió el premiu A.M.A.S al meyor discu folk pol so discu “Músiques del Arcu Atlánticu”, encasillalos como folk sería un erru, el so trabayu va más allá y refuguen llevar una etiqueta concreta. 

El conciertu va tener llugar na Ilesia de Santuyano de Somió, el día 23 a les ocho la tardi y va ser una escelente oportunidá pa esfrutar -de baldre- de la fusión de tradición, antigüedá, música popular, modernidá y sobremanera pasión qu’ufierten los once intérpretes de La Céltica cola so “musica céltica al estilu asturiano y músico asturiana al estilu célticu”, como ellos definen  el so trabayu.

Susana Sela

This work is licensed under a Creative Commons Attribution 4.0 International License.