La revista d’esti añu, que tien comu portada una imaxe del paisaxe que se ve dende la rampla Payares, inclui cincu artículos nos que’l cambeu climáticu y los paisaxes d’Asturies son protagonistes.

La revista Ciencies. Cartafueyos Asturianos de Ciencia y Teunoloxía tien como oxetivu esparder na sociedá asturiana los avances ya investigaciones científiques y teunolóxiques, emplegando pa ello la llingua asturiana, con una perspeutiva divulgadora que favoreza la comprensión de los temes per parte de los llectores interesaos nestos ámbitos.

Asina, Ángel M. Felicísimo espubliza un artículu sobro los Impautos del cambéu climáticu en sistemes forestales d’Asturies entantu que Paula Izquierdo Muruáis escribe sobre les foles de calor marines nel Cantábricu.

Los paisaxes asturianos énte unanueva xeneración de fueos forestales ye un trabayu  conxuntu de tres autores, José Valentín Roces Díaz, Arturo Colina Vuelta y Susana Suárez Seoane. Tamién ye una llabor conxunta la de Cristina Fdz Bustamante y Daniel Herrera Arenas sobre la rampla de Payares: ventanar esceicional al paisaxe de los montes centrales d’Asturies. Finalmente, Luis Miguel Rodríguez Terente asolega un artículu dedicáu a la minería metálica asturiana, un viaxe a los sos oríxenes y desafíos.

Ciencies espublízase añalmente nel mes de payares y pue lleese en REUNIDO, la plataforma de revistes científiques de la Universidá d’Uviéu.

Susana Sela

This work is licensed under a Creative Commons Attribution 4.0 International License.