El programa de la Caxa Rural d’Asturies “Reduz la to güelga” busca echar un gabitu tanto a les empreses que necesiten compensar les sos emisiones como a los profesionales de l’agroganadería, ya que’l proyectu, según la Fundación,”busca tamién la caltenibilidá demográfica del territoriu”

Esti proyeutu, que se treslladará a dellos conceyos asturianos, trata de compensar la güelga de carbonu de les empreses asturianes poniendo a la so dimposición espaciu pa grandes llantaos d’árboles autóctonos colos que reducir los efeutos nocivos les sos emisiones, pero non solo, sinón que comu compensación a la utilización de terrenos (comunales) pa eses biesques el programa compensa a los agroganaderos meyorando les sos condiciones. 

La primera empresa n’apuntase a esti sistema ye de Cangas, seique nun trascendió el so nome. Nesti casu concretu, les 175 Ha destinaes a biesca en Villares d’Arriba, compensáronse con un proyeutu qu’incluyó igua de zones de pación, construcción de canalizaciones d’agua, igua de carreteres y accesos y llevantamientu de cercaos y pasos canadienses, obres toes consensuaes en xuntes vecinales de montes con munchos propietarios qu’espusieron les sos necesidaes.