Esti miércoles 4 d’avientu’l Foru Abiertu de la Llibrería Cervantes, n’Uviéu, va da-y espaciu a ‘Misteriu nel soterrañu’, el cómic col que Xon de la Campa (Gurriapu) ganó’l premiu ‘Alfonso Iglesias’ y qu’asoleyó Ediciones Trabe
La primer entrega de les aventures del comisariu Hevia ye un cómic detectivescu con nidia influencia del autor francés Hergé, pa del archifamosu Tintín, va presentase güei 4 d’avientu a les siete la tardi dientro’l ciclu lliterariu de la Llibrería Cervantes.
Xon de la Campa (Xixón, 1973), conocíu pol alcuñu de gurriapu, féxose con esta obra cola decimoquinta edición del Premiu «Alfonso Iglesias» de cómic n’asturianu na convocatoria del 2023.
La historia narra les andances del inspector Hevia nel París d’a caberos del sieglu XIX. Con una mecigaya de realidá y lleendes mitolóxiques y un final abiertu al maxín, esta obra destaca pola naturalidá de la llingua escrita, na fácil de consiguir na modalidá lliteraria del cómic.
L’autor, Xon de la Campa, tará acompangáu na presentación por Archie Ad Hoc, reconocíu historietista, tintinólogu y músicu.
Susana Sela
This work is licensed under a Creative Commons Attribution 4.0 International License.
