Los asturianos dieron un exemplu de xunidá y amor propiu na revindicación d’esti reconocimientu, nel que s’implicaron toles estayes de la sociedá y qu’ayeri salieron a cellebrar per places y chigres
La cultura qu’arrodia la producción y consumu de la sidre n’Asturies va muncho más allá d’una bébora, la sidre, presente en tolos ámbetos y momentos de la vida, acomuña una serie de rituales y un sentir comunitariu que xune a los asturianos comu poques coses, tresmitiéndose de xeneración en xeneración. Asina lo reconoz la Unesco al concede-y a la Cultura Asturiana de la Sidre el reconocimientu de Padremuñu Cultural Inmaterial de la Humanidá, que pon en so llugar una cultura qu’entamó va milenios dando un espaldarazu a un sector que nun pasa pelos meyores momentos y llevantando l’autoestima de los asturianos, que se ven reconocios con identidá propia ante’l mundiu.
Ayeri, al conocese la noticia, foron munchos los asturianos que salieron a festexar a sidreries y places de conceyos, siendo la principal cellebración la de Nava, nel Muséu de la Sidre, aú aconceyaron los principales actores del procesu. Tamién n’Uviéu, Xixón, Parres, Mieres y Avilés se llanzaron convocatories pa salir a cellebrar, convocatories que s’allarguen tol ponte per tol país cola esperanza de qu’esti Padremuñu seya la piedra de toque que faiga al Principado decidise a apostar firmemente pola sidre y la so cultura, defendiendo los sos valores y sofitándo a los sectores económicos implicaos más allá del anunciu turísticu.
Llucía F. Marqués
This work is licensed under a Creative Commons Attribution 4.0 International License.
