Ante la falta de vivienda y la ínfima capacidá adquisitiva de los asturianos medra la demanda d’alimentos na Cocina Económica, d’almuerzos nel Albergue Covadonga y la Cruz Roja esmolezse pola prósima fola de fríu. Destaca l’espoxigue de xente mui mozo pente los demandantes d’ayuda
Esmolez el xorrecimientu de mocedá pente les persones ensin llar o que precisen de sofitu pa sobrovivir al iviernu. Tamién hai un espoxigue de muyeres y families con rapacinos qu’acuden a pidir ayuda a les entidaes sociales qu’atienden a persones en riesgu d’esclusión social o ensin llar. Si anantes les families nestes situaciones yerren principalmente migrantes, xorrecen el númberu de families afectaes por desfiucios o con ingresos baxos qu’anantes permitíen pagar un alquiler y agora ya non.
Los precios de les viviendes y la precariedá llaboral tan na base d’esta situación “munchos tienen trabayu, pero ye temporal o nun da pa pagar un arriendu”. Ya nin siquier los cuartos en cases comparties son asequibles y la desixencia d’una nómina fixa ye avezada pa roblar un contratu, lo que da otra vuelta al tema, ya qu’ensin dirección fixa nin un llugar onde residir y caltener les condiciones básiques d’hixene ye complicao ser contratáu.
L’ antecedente del iviernu pasáu, cuando nel Albergue Covadonga vivieron varies xornadas de “desborde” pola peralta demanda d’usuarios y l’alta demanda de comensales na Cocina Económica, que ta sirviendo 350 xintes y 180 cenes al díi, son voces d’alerta sobre la gravedá de la situación.
L’Albergue Covadonga tien delles campañes previstes, ta abierta la campaña de recoyía d’alimentos y cabases nel propiu albergue. Amás, el día 19, a les 19.00 horas y nel Ateneu La Calzada, habrá un conciertu pa recoyer donativos y alimentos.
Susana Sela
This work is licensed under a Creative Commons Attribution 4.0 International License.
