ADAE, Asociación de Docentes d’Asturianu y Eonaviego, anuncien la campaña que faen esti mes n’Instagram pa dar a conocer la so situación de precariedá llaboral: una especie de calendariu d’avientu vindicativu qu’amuesa la otra cara de les cellebraciones de los 40 años de l’asignatura llevaes a cabu la selmana pasada
ADAE vien de poner en marcha un calendariu d’avientu na so cuenta d’Instagram (@adae.ast) pa visibilizar y denunciar la precariedá llaboral que padez el profesoráu de les dos variantes del asturianu qu’enseñen. A lo llargo de tol mes d’avientu, la organización va dir esplicando los principales problemes qu’alcuentra esti colectivu pal desempeñu del so trabayu. Amás, ca vindicación va acompangada de testimonios d’ esperiencies personales qu’espublicen col hastag #40añosdeprecariedallaboral #40añosdignificandolasturianunesaules.
Dientro de les denuncies que se van asoleyar nos próximos díes, llamen l’atención sobromanera la tasa d’interinidá del 100% del profesoráu, al tar los profesores de llingua condergaes a esa situación llaboral
por nun poder acceder a procesos d’oposición pa estabilizar los puestos de trabayu. Esta situación, remembren, vien por mor de la negativa continua a crear la especialidá docente. Esto ye asina dende va 40 años.
Destaquen tamién que la so inestabilidá llaboral nun afectanamás a la vida profesional del profesoráu, sinón tamién a la calidá educativa, por falta de continuidá de los proyectos y xeres desendolcaos a lo llargo de ca cursu nos centros educativos. L’alumnáu, amás, acusa l’estrañamientu del profesoráu pol cambiu continuu. Estes variaciones afecten tamién de forma negativa a la matriculación na asignatura.
Dientro de les denuncies que se van asoleyar nos próximos díes, llamen l’atención sobromanera la tasa d’interinidá del 100% del profesoráu, al tar los profesores de llingua condergaes a esa situación llaboral
por nun poder acceder a procesos d’oposición pa estabilizar los puestos de trabayu. Esta situación, remembren, vien por mor de la negativa continua a crear la especialidá docente. Esto ye asina dende va 40 años.
Destaquen tamién que la so inestabilidá llaboral nun afectanamás a la vida profesional del profesoráu, sinón tamién a la calidá educativa, por falta de continuidá de los proyectos y xeres desendolcaos a lo llargo de ca cursu nos centros educativos. L’alumnáu, amás, acusa l’estrañamientu del profesoráu pol cambiu continuu. Estes variaciones afecten tamién de forma negativa a la matriculación na asignatura.
Per otru lláu, les asignatures de los dos idiomes alcuéntrense nuna situación particular, yá que
nun hai llibros de testu adaptaos a la llei educativa actual pa nenguna de les dos asignatures, lo que fai que’l profesoráu tenga que xenerar de forma individual los sos propios materiales faciendo adaptaciones continues ca añu.
Toes estes circunstancies faen que’l profesoráu d’asturianu y eonaviego tea n’inferioridá de condiciones col restu d’especialidaes coles que convive. Con esti calendariu d’avientu, ADAE busca dar visibilidá a les condiciones de trabayu que sufre’l profesoráu y sensibilizar a la sociedá, amás de presionar a l’alministración pa que tome midíes efectives.
nun hai llibros de testu adaptaos a la llei educativa actual pa nenguna de les dos asignatures, lo que fai que’l profesoráu tenga que xenerar de forma individual los sos propios materiales faciendo adaptaciones continues ca añu.
Toes estes circunstancies faen que’l profesoráu d’asturianu y eonaviego tea n’inferioridá de condiciones col restu d’especialidaes coles que convive. Con esti calendariu d’avientu, ADAE busca dar visibilidá a les condiciones de trabayu que sufre’l profesoráu y sensibilizar a la sociedá, amás de presionar a l’alministración pa que tome midíes efectives.
Susana Sela
This work is licensed under a Creative Commons Attribution 4.0 International License.
