El Principáu reconoz qu’hai 170 proyectos presentaos de parques de bateríes, pero solo se conocen 59; na so mayoría, pesi a promeses y lleis, allugaránse sobro suelu agrícola
Güei nel Boletín Oficial d’Asturies espublízase la tramitación d’un nuevu parque de bateríes allugáu nel Barrial en Noriega nel conceyu de Ribedeva, sobro una parcela rustica con 3724 m²
Dende La Coordinadora Ecoloxista d´Asturies , van alegar contra l’allugamientu d’esti parque al tar los en zones rurales arrodiaos de viviendes y animen a los vecinos y a otros coleutivos a faelo tambien pol impactu que supon a la so calidá de vida.
El Principáu reconoz qu’hai 170 proyectos presentaos de parques de bateríes, pero solo se conocen 59 porque nun informa d’ónde van los otros solicitaos. Mientres anuncia la so regulación pa instalase en zones industriales y alloñáu de les zones rurales, sigue tramitándose el so allugamientu en zones rurales cercanes a les viviendes, incumpliendo los 1.000 metros a viviendes y 500 metros a ganaderíes anunciaos como distancies de seguridá.
La escasa distancia qu’habría ente los contenedores de bateríes y les viviendes trai una fuerte contaminación llectromagnética pa la vecindá y los animales, una cercanía que los datos evidencien que fae medrar el riesgu de leucemia n’adultos, cáncanu d’entamu o celebral,
Los riesgos que suponen esti tipu d’instalaciones en casu de fuga térmica o de quema tamién son importantes, polo que ye inadmitible la so instalación próxima a núcleos de población, llugares d’interés medioambiental, zones protexíes, etc.
Los parques de bateríes que pel momento se propunxeron n’Asturies son d’estremáu grandor, dende los de 1 contenedor d’almacenamientu, a instalaciones qu’inclúin hasta 100 contenedores. Agora mesmu solo conocemos proyectos pa dellos conceyos asturianos como los de Salas, Salime, Siero (4 parques), Llanera (3), Mieres (4), Cangues, Uviéu (8), Avilés (3), Corvera (3), L.lena, Colunga, Villaviciosa (4), Soto Ribera, Regueres, Xixón (6), Candamo (3), Gozón (5), Piloña (3), Grao, Carreño (3), Cangas y Ribedeva. Na so mayoría, pesi a promeses y lleis, allugaránse sobro suelu agrícola.
Alberto Rodríguez
This work is licensed under a Creative Commons Attribution 4.0 International License.
