Nun doi créitu. Acabante d’algamar el reconocimientu internacional pola Unesco a la cultura sidrera asturiana, la primer iniciativa Institucional ye ‘Rutas Sidreras por España’
Per España, sí, non per Asturies pa poner en valor y rentabilizar la declaración de la Unesco.Rutes sidreres per España, pa da-y puxu a la sidre gallego y vasco aprovechando’l tirón del ésitu de la sidre asturiana. Incomprensible.
Teo de reconocer que nun soi nin con munchu un espertu en Marketin… pero hai daqué que me diz, que cuando s’algama un trunfu lo qu’hai que facer ye rentabilizalu, y non difuminalu dándo-y puxu a otros, que tendrán los sos méritos, pero que dende llueu, nun son los protagonistes.
Dame la impresión de que tamos énte una nueva espresión del nuesu reinal provincianismu, del cosmopaletismu más auténticu y del etenru desperdiciar les oportunidaes propies. Asina mos va, asina mos pinta.
Nun doi créitu
Marcos A. Fernández
This work is licensed under a Creative Commons Attribution 4.0 International License.
