La obra, con testos de Llucía Fernández y semeyes de Luis José Vigil-Escalera (Lujo Semeyes) va presentase mañana a les 13 hores na Casa Paquet, en Cimavilla
Coincidiendo cola reciente concesión del títulu de Padremuñu Inmaterial Cultural de la Humanidá pa la cultura asturiana de la sidre, la editorial Espublizastur asoleya esti llibru que cellebra, precisamente, esa cultura. Lo qu’apurre de nuevu esta obra ye destacar, dende un puntu de vista poéticu, la parte de la cultura sidrera na que menos se pon l’acentu: el consumu final.
Xuntando testos en prosa poética con poemes, l’autora cellebra la sidre con una güeyada cuasi mítica, pero na que cualisquier sidreru pue vese espeyáu. Pel so lláu, les semeyes recueyen imáxenes de persones venceyaes d’una u otra manera al mundiu de la sidre (llagareros, chigreros, investigadores, xuraos…) nel actu de beber un culín, constituyendo asina el llibru un aporte más a la ca vuelta más rica bibliografía dedicada a la cultura asturiana de la sidre.
La presentación, a la qu’acudirán, amás de los autores, l’antropólogu Roberto González Quevedo, prologuista del llibru, el conceyal Guzmán Pendás en calidá de representante del Ayuntamientu Xixón y la editora, Carme Pérez, tendrá llugar a la una del mediudíi de mañana 27 d’avientu na Casa Paquet -Turismu Xixón-.
Los llibros tendrán un descuentu pa los asistentes al actu.
Susana Sela
This work is licensed under a Creative Commons Attribution 4.0 International License.
