Bonos díes, bona xente.
” Vuelve l’aire ábrigu”
Alborecemos col cielu nuboso ya con unes temperatures que tan alrodiu de los 7ºC, rexistrándose nel puirtu Payares -0,6ºC.
Güei vamos tener el cielu mui nuboso cola posibilidá de dalguna precipitación feble, sobre too pela mañana con unes temperatures que van a caltenese baxes estes primeres hores pero a partir del mediudía va entamar a soplar l’aire ábrigu cafiante faciendo que suban rápidamente.
Mañana miércoles tendremos intervalos nubosos entemecios ente dellos claros o abancios con aire ábrigu que condicionará les temperatures pol efeutu foehn que fae al pasu pela cordelera polo que ascenderán moderadamente tantu les nuecherniegues como pel día, dexandonos un ambiente mui suave, sicasí l’aire va soplar con raches fuertes en zones altes ya en puntos del llitoral, baxando dalgo la sensación térmica.
El xueves seguiremos baxo la mesma situación, con nubosidá media-alta entemecía ente dellos claros, vientu ábrigu que dirá n’aumentu nes zones espuestes y temperatures mui perriba de lo normal.
El vienres hai la posibilidá de que mos afeute un frente atlánticu que mos dexaría dalgo de lluvia pela tarde anque les temperatures seguiríen siendo altes.
Paez qu’apartir del domingu vamos tener altes presiones enrriba, dempués d’un sábadu pasáu per agua, pa dexanos una selmana viniente de sol pero con xelaes nuecherniegues, pero esto yá lu diremos viendo.
Que paséis un bon martes collacies ya collacios.
Semeya dende l’altu La texera que mos apurre F Merides Venticuatro.
This work is licensed under a Creative Commons Attribution 4.0 International License.
