El 7% de los llares asturianos nun tienen calefacción en casa, otru 17% tienla, pero nun pue pagar la lluz pa ponela. En total el 24% de les viviendes d’Asturies nun tienen comu se calecer esti iviernu. La situación agrávase cola retirada del bonu enerxéticu que protexía a los más vulnerables
La desapaición de les cocines de carbón ya’l progresivu fin del “vale” qu’apurría combustible a les families de los mineros fae que caltener la casa a una temperatura habitable dependa básicamente de la lletricidá, un bien de primer necesidá a precios de lluxu. El problema de la probitú enerxética, apanguau durante un tiempu con un bonu social que reducía enforma’l coste de la lluz pa les families de menor capacidá económica, recai agora con más fuercia sobre los asturianos. La retirada, en plenu iviernu, del bonu dexa al 24% de la población ensin poder satisfacer siquiera les necesidaes básiques de suministros d’enerxía.
En dalgunos casos esta situación ya ye endémica, fasta’l puntu de que nel 7% de les cases d’Asturies cenciellamente, nun esisten radiadores nin otru métodu de calecer la casa.
Nel Dos Santos
This work is licensed under a Creative Commons Attribution 4.0 International License.
