Acordies la Organización Mundial de la Salú (OMS), n’Asturies fadríen falta 1.7070enfermeros y daqué más de 500 médicos pa cubrir el déficit actual. Sicasí, caltiénense les condiciones llaborales qu’afalen la fuga de titulaos y los númberos clausus que torguen a más asturianos aportar a formación sanitaria
Los distintos organismos nun se ponen d’alcuerdu, mientres para Eurostat, la más optimista, falten 1.141 titulaos n’enfermería, para que la so formación al ritmu actual seríen necesarios 12 años nel meyor de los casos, para la Organización pa la Cooperación y el Desenvolvimientu Económicu (OCDE) faen falta 1.788 y los sos cálculos pasen por llegar a esi oxetivu en 19 años y d’últimes la Organización Mundial de la Salú (OMS) cifra en 1.707 los profesionales profesionales necesarios pa cubrir el déficit, un oxetivu qu’entardaría 18 años en cumplise.
Tocantes a médicos, les organizaciones sindicales llancen la cifra de 500 como necesarios para cubrir les necesidaes mínimes del sistema sanitariu asturianu.
Nel cursu anterior, Asturies ufiertó 150 places pal Grau de Medicina, con una nota de corte de 12,874 ente que para estudiar enfermería esixóse una nota de corte de 12,370, bien percima de les notes pidíes para otres titulaciones.
Sindicatos sanitarios y d’estudiantes apunten a dos víes pa solucionar esta falta de personal sanitario: ampliar places y formar más profesionales y, sobremanera, ameyorar les condiciones llaborales de los mesmos de manera que nun tengan que colar a trabayar fora d’Asturies pa consiguir un contratu al altor de la so formación.
Alberto Rodríguez
This work is licensed under a Creative Commons Attribution 4.0 International License.
