Al finar 2024 Asturies cuntaba con menos de 70.000 autónomos, perbaxo de la cifra recoyía depués de cualisquier de les socesives crisis que vamos pasando, incluso la del Covid

Nin siquier la pandemia, col preslle de negocios d’hostelería ya’l so dañu a los comercios, foi tan llaceriosa pa los trabayadores per cuenta propia como esti añu 2024, nel que en restu l’estáu hebio un avance porcentual del 1’3%. En concreto, acordies les estadístiques apurries pola Seguridá Social, la cifra d’autónomos a preslle d’añu foi de 69.900, 643 menos que’l  mesmu mes de 2023.

Un de los factores apuntaos pa esti fechu ye la tresformación del sector hosteleru y comercial, un de los más activos n’Asturies, que va camudando de negocios propios a cadenes y establecimientos grandes, desapaeciendo pali que pali el texíu de piqueños negocios, comercios de barriu y chigres familiares. Con ello cúmplese’l temor de que l’apueste pol turismu revierta en grandes empreses, dexando na ciudadanía pocu más que trabayos precarios de perbaxa calidá. 

Nel Dos Santos