Bonos díes, bona xente.
” Nun s’espera lluvia hasta’l domingu de tarde y poca”
Alborecemos col cielu escampláu ya con unes temperatures que tan alrodiu del 1ºC, rexistrándose nel puirtu Payares 2,1ºC.
Güei como novedá va dir surdiendo l’aire nordés pel llitoral a patir del mediudía, pudiendo ser dalgo cafiante pela tarde ya empobinanos dalgo de nubosidá de retención nos cordales costeros, nel restu seguiremos con escasa nubosidá y unes temperatures que camudarán poco o tenderán a subir llixeramente, tando l’ambiente muncho más afayaizu nes zones altes y soleyeres que’n lu fonderu los valles onde seguiremos con iversiones térmiques.
Mañana vienres y pasáu sábadu tará’l cielu completamente escampláu y ya sin malpenes nordés nel llitoral con unes temperatures mínimes que camudarán poco ya con tendencia a subir les másimes llixeramente.
El domingu aumentará la nubosidá rompiendo dalgo la iversión térmica, baxando les temperatures moderadamente nes zones de montaña y subiendo dalgo no fonderu los valles al mediudía cola posibilidá de que pela tarde tengamos dalguna precipitación feble ya dispersa que sedría en forma de nieve perriba de los 1500m.
Que paséis un bon xueves collacies ya collacios.
Semeya que mos l’apurre Tomás García Suarez
This work is licensed under a Creative Commons Attribution 4.0 International License.
