L’equipu asturianu,  un de los pocos representantes europeos, recibió’l premiu al «Meyor Conceutu de Misión» pola so anovadora propuesta, ‘Landsat Connect’

AsturExplorers, un equipu de Xixón, alzóse como ún de los 10 ganadores globales de la NASA Space Apps Challenge 2024, tres de competir con más de 93.000 participantes y 15.000 equipos de tol mundu. 
Seis estudiantes, trabayando en comuña con profesionales d’árees como informática, seguridá de satélites, robótica, neurociencia, intelixencia artificial y biotecnoloxía, son los creadores de Landsat Connect, una aplicación web diseñada pa facilitar l’accesu a los datos satelitales de Landsat, permitiendo a los usuarios llograr información relevante sobro les imaxes satelitales de la superficie terrestre.

Gracies a el so proyectu cualquier persona pue facer un siguimientu rápidu y cenciellu de los satélites Landsat y llograr datos de Reflectancia de Superficie (SR). El proyectu, que destaca pola so accesibilidá, foi desendolcáu pa facilitar l’usu de datos satelitales non solo a investigadores, sinón tamién a ciudadanos interesaos n’estremaos campos, como l’agricultura, l’urbanismu, y el caltenimientu ambiental, yá que tien numberoses aplicaciones practiques. 

Como parte’l premiu, l’equipu va viaxar al Goddard Space Flight Center en Greenbelt, EE.XX., pa presentar la so solución a los representantes de la NASA. Esti premiu non solo representa una gran reconocencia pa los miembros de AsturExplorers, sinón tamién una gran oportunidá.

Susana Sela