Una concentración acompangó delantre los Xulgaos de Xixón a los dos güelguistes de la empresa de tresporte ALSA acusaos por defender los sos drechos llaborales
Nel 2020 los trabayadores d’ALSA convocaben una fuelga na que demandaben la recuperación del 100% de les llinies y frecuencies asina comu la recuperación de les taquilles, poner frenu a los despidos y facer cumplir el conveniu coleutivu.
Col envís de desprestixar esta llexítima defensa, la empresa denunció desperfechos nos autobuses, acusando d’ellos a los trabayadores y denunciándolos, polo qu’ayeri entamó el so xuiciu, compareciendo nos Xulgaos de Xixón, onde alrodiu d’un centenar de persones amosáron-yos el so sofitu con pancartes y desixendo la so absolución.
“La represión ye una parte más de la llucha obrera. Y podemos salir alantre. Pero nun nos tracamundiemos, tenemos de siguir peleando día a día polos nuesos drechos, porque si nun lo facemos asina, podemos perdelos toos” declararon los acusaos.
Nel Dos Santos
This work is licensed under a Creative Commons Attribution 4.0 International License.
