Esti viernes 31 MUSOC dedicará la so clausura a les 6 de la Suiza pa defender la so llibertá, dexando que la so causa tome’l centru del escenariu. La recaldación de les entrades destinaráse a la so causa
La Muestra de Cine Social y Drechos Humanos (MUSOC) ye un espaciu d’alcuentru ente’l cine, l’activismu social y el pensamientiu críticu que quier afondar nel conocimientu de los drechos humanos y la cultura de paz. Esta iniciativa lleva trece años llevando el cine social a les pantalles asturianes col envís de xenerar el camientu y l’alderique de magar ca una de les hestories narraes nuna curiada escoyeta de cine y actividaes paraleles nes que los drechos humanos son los braeros protagonistes. Esti añu cellebróse dende’l diez de xineru y mañana preslla les sos puertes con un conciertu dedicáu a les 6 de la Suiza y la emisión, por primer vegada nel estáu español, de la película Union, que documenta’l procesu de formación del primer sindicatu de trabayadores d’Amazón nos Estaos Xunios, una de les obres más aclamaes nel caberu Festival de Sundance, onde consiguió el Premiu Especial del Xuráu.
Les voces de 6 Riales, Aníbal Menchaca y Daniela Cohen pondrán música al conciertu darréu la proyección, defendiendo la llibertá de les 6 de la Suiza. Porque facer sindicalismu nun ye delitu. Podéis mercar les entraes a traviés de la web de la Llaboral Cinemateca.
Susana Sela
This work is licensed under a Creative Commons Attribution 4.0 International License.
