Quieren facer d’Asturies una ciudá grande nel centru mientres ya tenemos más de 800 pueblos abandonaos… ¿por qué? ¿Igual porque nos pueblos la xente pue autoxestionase meyor?
¿Igual porque nel pueblu nun dependes solo del trabayu nes sos empreses esplotadores?
¿Igual porque nos pueblos la xente tenia más sentimientu de comunidá tan contrariu a esti sistema individualista ya insolidariu? ¿Igual porque nos pueblos nun puen enllenalo too de camares pa tenemos vixilaes?
Lo que ta claro ye que si acabamos col rural acabamos cola esencia de lo que ye Asturies. Sigamos echando palaes de tierra enriba la nuesa soberanía alimentaria, alloñándonos inda más d’ella, desaniciándola.
Nin carne, nin lleche, nin pesca, nin mina. Una Asturies de trabayadores comerciales pa vendenos unos a les otres contratos de telefonía, lluz ya internet un poco más baratos que la competencia y atender mui bien a los turistes. Acabaremos importando’l 100% de los nuesos alimentos. Camín d’ello vamos. Al tiempu.
¿Asina que les tan cacarexaes infraestructures, a la fin, valieron pa que viviéremos toos y toes en La Corredoria y El Polígonu en cuenta de pa quedar nos pueblos precisamente na dómina de la historia na qu’entamaron los trabayos a distancia y onde les ciudaes yá nun son grandes centros llaborales…eh?
La “Ciudad Astur” o “Área Metropolitana de Asturias” son falcatrúes, mentanto dexamos morrer los seutores productivos del rural; mentanto arrenunciamos al control social de la enerxía, privatizao.
Una gran “ciudá astur” consumidora de recursos, insostenible, metanes d’una gran viesca despoblada.
This work is licensed under a Creative Commons Attribution 4.0 International License.
