Entantu l’executivu asturianu continúa anunciando y retrasando la regulación que llende a fasteres industriales la istalación de parques de bateries, el Principado sigui informando de la istalación de más parques en zones rurales y habitaes
Ayeri asoleyábase nel Boletín Oficial d’Asturies la tramitación de costrucción d’un nuevu parque de bateríes allugáu en zona rural, en Santiago d’Ambiedes, conceyu de Gozón.
Esti parque de bateríes foi tramitáu pol Ministeriu pa la Transición Ecolóxica ya’l Retu Demográficu (MITECO) ensin informar a los vecinos, nuna zona, onde hai ya previstos otros 3 parques más de bateríes que, d’executase, arrodiarán dafechu a los vecinos.
El proyectu del parque anunciáu cuenta con 72 contenedores y una llínea d’alta tensión d’evacuación de 1,47 Km. y allugaríase’n zona rural, arrodiáu de viviendes y ganaderíes, cuestión qu’incumple’l decretu de la Cuota de guardar una distancia a 1.000 metros a viviendes y 500 a ganaderíes.
La prosimidá trai una fuerte contaminación electromagnética pa la vecindá y los animales. Los datos percanciaos fasta agora evidencien que la esposición escesiva a campos elleutromagnéticos aumenta’l riesgu de lleucemia n’adultos, cáncanu de mama o celebral, y afecta por igual a homes y muyeres.
Los riesgos que suponen esti tipu d’istalaciones en casu de fuga térmica o de quema traen unes consecuencies irreversibles de suma gravedá pa los colindantes, tantu pal mediuambiente como pa la salú humana, polo que ye inadmitible la so istalación prósima a núcleos de población, llugares d’interés medioambiental, zones protexíes, etc.
El Principáu reconoz qu’hai 170 proyectos presentaos de parques de bateríes, de los que solo fixo pública información de 70 pa evitar conflictos y torgar la xunión de los vecinos de les zones afectaes. Sigue tramitándose’l so allugamientu en zones rurales cercanes a les viviendes, incumpliendo los 1.000 metros a viviendes y 500 metros a ganaderíes anunciaos como distancies de seguridá, mientres sigue faciéndose un paripé d’etenra tramitación de la so regulación pa obligar a que la so instalación seya puramente en zones industriales y alloñáu de les zones rurales o habitaes.
Los parques de bateríes que pel momentu se propunxeron n’Asturies son de distintos tamaños, dende los d’un contenedor d’almacenamientu, a istalaciones qu’inclúin hasta 100 contenedores. Agora mesmu conocemos proyectos pa dellos conceyos asturianos como los de Salas, Salime, Siero (4 parques), Llanera (3), Mieres (4), Cangues, Uviéu (11), Avilés (3), Corvera (3), L.lena (3), Colunga, Villaviciosa (4), Soto Ribera, Regueras, Xixón (7), Candamo (3), Gozón (5), Piloña (3), Grao, Carreño (3), Cangas (2), Llangréu, Ribedeva, Ribesella y Parres. Na so mayoría, allugaránse sobro suelu agrícola.
Nel Dos Santos
This work is licensed under a Creative Commons Attribution 4.0 International License.
