Bonos díes, bona xente.
” Llega la primavera adelantada”
Alborecemos con nubes ya claros o abancios ya con unes temperatures que tan alrodiu de los 9ºC, rexistrándose nel puirtu Payares 0,5ºC.
Güei l’aire gallegu pue soplar molestu nel llitoral y zones altes de montaña, amás baxará dalgo la sensación térmica y mos apurrirá humedá faciendo que les temperatures másimes nun se disparen a pesar del sol del mediudía. Nel cielu tendremos nubes ya claros o abancios y nun s’esperen precipitaciones.
Mañana xueves llega la primavera pa quedase, a pesar de que’l cielu va tar nuboso ya inclusu pue cayer dalguna gotera dispersa ya ocasional les temperatures subirán dexándonos un ambiente suave ya primaveral.
El vienres, sábadu y domingu tendremos nubosidá media-alta entemecida ente dellos claros o abancios con vientu ábrigu que fadrá subir les temperatures, sitaución que va caltenese la selmana viniente onde s’algamarán los 20ºC al mediudía.
Que paséis un bon miércoles collacies ya collacios.
Semeya que mos l’apurre la nuesa collacia Mary Pandiella.
This work is licensed under a Creative Commons Attribution 4.0 International License.
