Bonos díes, bona xente.
Alborecemos col cielu cubiertu y dalguna gotera con unes temperatures que tan alrodiu de los 10ºC, rexistrándose nel puirtu Payares 4,7ºC.
Güei vamos tener el cielu nuboso con dalguna preciptación feble ya dispersa n’estes primeres hores con unes temperatures n’ascensu ya col aire que sedrá sele ya variable.
Mañana vienres vamos tener nubes ya claros o abancios con unes temperatures que siguen subiendo, sicasí pela tarde aumentará la nubosidá ya podrá escapase dalguna gotera.
El sábadu tendremos nubosidá media-alta entemecía ente dalgún claru o abanciu y les temperatures de nuevu n’ascensu que mos van dexar un ambiente primaveral, l’aire seguirá siendo sele ya variable.
Paez que’l domingu veremos dalguna nube más y descenderán llixeramente les temperatures y la selmana entrante s’intalará la primavera meteorolóxica con temperatures mui suaves, ausencia de precipitaciones y nubosidá alta empobinada pol vientu ábrigu.
Que paséis un bon xueves collacies ya collacios.
Semeya que mos l’apurre la nuesa collacia Mary Pandiella.
This work is licensed under a Creative Commons Attribution 4.0 International License.
