Bonos díes, bona xente.
Alborecemos con dalgo de nuboasidá alta y delles nublines no fonderu los valles con unes temperatures que tan alrodiu de los 9ºC, rexistrándose nel puirtu Payares 3,3ºC.
Güei vamos tener intervalos nubososo entemecios ente dellos claros o abancios con unes temperatures n’ascensu. L’aire sedrá sele ya variable.
Mañana sábadu veremos dalguna nube más de tipu mediu-altu pero les temperatures suben un peldañín más, algamándose los 18-20ºC en delles zones d’Asturies.
El domingu seguiremos con un tiempu mui asemeyáu, totalmente primaveral, sicasí pela tarde les brises costeres nos puen apurrín humedá y facer que surdan borrinos y nublines na metá norte d’Asturies.
Y la selmana viniente nun se ven camudos importantes colo que la situación seguirá bien parecida, puxarra atlántica que mos dexará nubosidá media-alta y temperatures primaverales.
Que paséis un bon vienres collacies ya collacios.
Baxamar en El puertu/ la llada que mos l’apurre la nuesa collacia Conchi García Capllonch.
This work is licensed under a Creative Commons Attribution 4.0 International License.
