MPD FLUORSPAR SLU del grupo MINERSA ta faciendo un sondeu, presumiblemente illegal, na esplotación la Viesca ente Siero y Xixón, barriu Vega; de confirmarse sedría’l 3º sondeu illegal descubiertu
Vecinos del barriu y la Coordinadora Ecoloxista d’Asturies denunciaron que’l sondeu allugáu al par del campu fúbol de Vega ta faciéndose nun llugar estramáu del autorizáu, ensin que nin el conceyu nin mines del Principado faigan res por paralizalu depués d’una selmana de trabayu.
Los vecinos declárense fartucos de les illegalidaes de la empresa minera, depués de paralizar ya dos sondeos illegales previos, permitios demientres selmanes poles autoridaes competentes. Minersa tien abondes sanciones por arramaos notres mines per toa Asturies.
Sierenses y xixoneses presentaren cientos d’allegaciones contra l’ampliación minera que se pretende y qu’afeutaría a les llocalidaes de Xixón, Porceyo, Granda, la Camocha, Ruedes, Caldones, Baldornon, Fano, la Pedrera, Robledo,Arroyu; Huergo, Muñó, Casanula y La Collada.
Nel Dos Santos
This work is licensed under a Creative Commons Attribution 4.0 International License.
