La Fiscalía ya’l Tribunal Superior de Xusticia crucien acusaciones sobro quien ye’l responsable, pero el fechu ye que l’home, con un fuerte pasáu de violencia de xéneru, ta na cai

L’acusáu, residente’n Siero, foi deteníu el siete de febreru por un delitu continuau de violencia sobre la muyer, del que ye multirreincidente, y otru de llesiones seles, tamién en el ámbetu de la violencia de xéneru. L’acusáu fore ya arrestáu por estos motivos n’abondes ocasiones, incluyendo’l quebrantamientu de conderga y de midies cautelares, lo que nun foi considerao peligroso pa la víctima n’aquel momentu, cuando al nun mediar pidición de prisión provisional por parte la Fiscalía, se decidió concede-y la llibertá, xunto con una orde de protección a favor de la víctima, midía nidiamente insuficiente nun casu en que l’acusáu demostró en delles ocasiones nun cumplir estes condiciones.

Nun foi hasta’l día doce, cuando comparez nel xuiciu, que la Fiscalía solicita esa prisión provisional, alegando los munchos antecedentes a les espaldes del acusau. Esi retrasu a la hora de solicitar el so encarcelamientu ye’l que da al xuez encargáu la esculpia pa dexalu en llibertá, “ente otros motivos, por nun costar variación de les circunstancies concurrentes tenies en cuenta con anterioridá”.

La Fiscalía recurrió depués a l’Audiencia Provincial pa que se decretare l’ingresu en prisión provisional comunicada ya ensin fianza del investigau, considerando qu’esisten elementos indicativos de que “les midies adoptaes en protección de la víctima resulten ineficaces”.

Asina, la ineficacia d’unos, reclamando la prisión provisional con retrasu, y la deriva patriarcal d’otros, faciendo de menos el riesgu carecíu pola víctima, súmense pa dar como resultáu un maltratador reincidente sueltu y una muyer apavoriada en pelligru.

Llucía F. Marqués

This work is licensed under a Creative Commons Attribution 4.0 International License.