L’Executivu asturianu desoi nuevamente la voluntá d’aquellos sobre los que gobierna y entama l’autorización de los parques de bateríes que los vecinos refuguen

Tras años de manifestaciones, protestes y argumentaciones, pasando perriba de la voluntá del pueblu asturianu y de les consecuencies a curtiu, mediu y llargu plazu pal mediu ambiente y la salú de persones y animales, el Principáu vien d’autorizar la istalación de los primeros contenedores d’almacenamientu d’ enerxía.

En concretu, los primeros parques de bateríes autorizaos allugaránse en Siero y Corvera. Nun sedrán los únicos, alvierte Belarmina Díaz. Conseyera de Transición Ecolóxica. Son hasta 170 los proyeutos remitios a la conseyería, seique non toos se tramitarán, y Díaz reconoz abiertamente que “dalgunos pueden tar en suelu industrial y otros non”, abriendo les puertes a la istalación de parques de bateríes en zones rurales y/o habitaes. 

Dende la plataforma Stop Bateríes impulsóse un escritu que reclama ‘midies cautelares pa protexer a los núcleos residenciales cercanos a suelu industrial’ y paralizar toles tramitaciones a nivel municipal. Tamién solicita que se impida la istalación en zona rural de parques, incluso si algamen la calificación de Proyectu d’Interés Estratéxico Rexonal (PIER).

This work is licensed under a Creative Commons Attribution 4.0 International License.