Bonos díes, bona xente.
Alborecemos col cielu poco nuboso, sicasí ta dalgo empuercáu de nubes altes sobre too na fastera ocidental con unes temperatures que tan alrodiu de los 8ºC, rexistrándose nel puirtu Payares 4,2ºC.
Güei vamos tener grandes claros entemecios ente nubes altes que dirán ganando terrén a lu llargu’l día con unes temperatures que van camudar poco calteniéndose un ambiente suave ya primaveral, amás l’aire sedrá sele ya variable.
Mañana vienres la llegada d’una vaguada atlántica va apurrinos al principiu vientu ábrigu mui fuerte, sobre too en zones altes y un ascensu de les temperatures, amás de nubosidá media-alta, yá pela tarde cuando nos barra un frente asoaciáu a la mesma va dexanos precipitaciones que sedrán abondoses y xeneralizaes al so pasu, a media tarde con un descensu de les temperatures y cola nieve sobre los 1700m.
El sábadu la mañana tará seliquina y frescas con nubes ya claros o abancios, mentantu pela tardiquina aumentará la nubosidá ya tendremos precipitaciones febles ya disperses que sedrán en forma de nieve sobre los 1500m.
El domingu va tar más soleyeru y les temperantures tornarán a ser primaverales a partir del mediudía, dempués d’una nueche fresca.
Que paséis un bon xueves collacies ya collacios.
Semeya que mos l’apurre’l nuesu collaciu Luis Alfredo de la vega Comeya.
This work is licensed under a Creative Commons Attribution 4.0 International License.
