El Conseyu de tresparencia y a traviés d’ella el denunciante ante l’Axencia Española de Protección de Datos, recibieron un estensu informe qu’incluyía siete páxines d’información personal de terceres persones, ayenes dafechu al espediente en cuestión
La recepción de documentación por parte del Conseyu de Tresparencia y bon Gobiernu sobre unes allegaciones efectuaes por parte del Ayuntamientu d’Illas, tratando de xustificar la so anterior mala práxis, ante les que’l denunciante tenía posibilidá d’allegar, resultó venir con sospresa.
Trátase de 74 folios qu’incluin siete con documentación que nun tien na que ver col espediente en cuestión y que vulneren el drechu a la intimidá, al facer públicos abondos datos sobre terceres persones que nun tienen na que ver cola cuestión tratada nes allegaciones, ente ello nome completu, teléfonu y direciones de mail.
Visto ello, el denunciante unvió esta documentación xunto con una carta na que s’esplica’l casu a l’Axencia Española de Protección de Datos, quienes vienen de retrucar esti mes cola aceutación a trámite de la denuncia, que ya ta en marcha.
This work is licensed under a Creative Commons Attribution 4.0 International License.
