Nin siquier los convocantes acudieron a la convocatoria fecha por Núcleo Nacional n’Uviéu, depués de que la convocatoria en Xixón s’anulare polos sos antecedentes
El grupu neonazi Núcleo Nacional, formación investigada pola Policía Nacional y con dellos miembros condergaos por actos violentos y agresión, convocaren primero una cellebración del 23-F nun restaurante xixonés que, al conocer la naturaleza del actu anuló la reserva, desplazándose la convocatoria a Uviéu, onde ayeri taba convocada una concentración col parking del Centru Comercial Los Prados como puntu d’alcuentru. La intención del alcuentru nun yera namás cellebrar el fallíu golpe d’estáu, sinon que planeaben abrir delegación del so grupu n’Asturies.
Sicasí, y pesi a que’l seguimientu de los fechos por parte de la prensa contribuyó bultablemente a esparder la convocatoria muncho más de lo que consiguieren namás al traviés de les sos redes sociales, a la hora de la verdá nun acudió naide al actu -esceptuando, quiciás, la policía que se desplazó hasta’l llugar en previsión de posibles incidentes-.
Nes muries de los edificios d’alrodiu quedaba nidiu’l posicionamientu de la mayor parte de la población asturiana, con pintaes onde pue lleese “nazis fuera”.
Llucía Fernández
This work is licensed under a Creative Commons Attribution 4.0 International License.
