La Ca Conceyu de Colunga comunicó a l’asociación pola cultura asturiana ya’l mediu ambiente La Llastra que si nun se “traducen” les sos propuestes, nun sedrán teníes por válides

Con motivu de la reordenación del tráficu nel Cascu Hestóricu de Llastres l’asociación presentó un escritu nel que s’afalaba a tener en cuenta los porgüeyos de los vecinos afectaos pola mesma, crear aparcamientos disuasorios y p’autobuses ya englobar esa reordenación nuna visión más xeneral qu’incluya tola villa. Eses considerances nun van tenese en cuenta a cencielles por dir escrites n’asturianu. 

Jose Ángel Totos Callados, alcalde de Colunga por Foro retrucó a les propuestes de La Llastra que “pa que surtan los efeutos oportunos deberá presentalo escrito n’asturianu”, contraviniendo otra vuelta la Llei d’Usu y Promoción del Asturianu y amparándose na falta d’oficialidá.

“La Llastra trata de promover l’usu del Asturianu en toles situaciones incluyía la alministrativa. Tener que tornar les nuestres propuestes ye nun poder usar l’asturianu llibremente. La Llei d’Usu del 98 sofita esti derechu que l’ayuntamientu quier ignorar” declararon dende l’asociación, que cuenta con reclamar los sos drechos y denunciar los fechos.

Esti ye otru casu onde los asturfóbicos -nesti casu d’un teóricu aliáu, Foro- prioricen el so odiu a tolo asturiano per delantre de los intereses de los vecinos, de la comunicación ciudadanu-alministración y per delantre mesmo de la llei.

Susana Sela

This work is licensed under a Creative Commons Attribution 4.0 International License.